Nongstoiñ, Jylliew 27: Ka West Khasi Hills ka dei ka District kaba heh duh na baroh ki district ha ka jylla ka dei ruh ka district kaba ki kam pynroi ki duna haduh katta katta la ka long ha ki surok, ka umbam umdih bad ka bording.
Nadpeng ki lai tylli ki Constituency, ki shnong ka Rambrai Jyrngam bad ka Mawshynrut ki dei ki Constituency kiba dang bun ki shnong ki bym pat don surok kum ki shnong kiba don ha ka thaiñ Mawkhiat kata naduh Mawshad, Umshem, Rynñiaw, Domkyrkoh, Um?ong, Darephang, Nongspung, Umbah, Nongmawleiñ, Mawkhap, Mawsngi, Umyiap, Miangbyrkong, Mawdiangsnam bad kiwei. Hynrei napdeng kine, ki don pat kiba la ?oh ka bording elektrik na ka skhim RGVVY, ka skhim jong ka sorkar pdeng.
Ki shnong kiba hab ha ka Mawshynrut Constituency ki bym pat don surok ki dei naduh Nongshyrkon, Nonglyer, Phodjalei, Nongkrong, Umshynrut bad kiwei. Ki paidbah ki la ong ba ka jingbym pat don surok ki paitbah ka Nongshyrkon, Umshynrut, Nongkrong ka dei kaba la slem bah.
Ki paidbah ki la kwah ban ?oh surok hynrei haduh mynta ki dang hap ban ?aid kjat da ki bun bun kynta ban poi ha surok kali. Nalor kata ki la ong ruh ba lada dei ha ka por tlang te kam da jynjar than, namar ki Mahindra pickup ki lait wut wut. Hynrei ha ka por lyiur bunsien ki kali Mahindra Pickup ba ki shong ban leit jingleit ki sahkut ha kaba wat ki kynthei ruh ki hap ban hiar bad khynñiat lang bad ki rangbah tang ban lait bad ban poi sha ki jaka ba ki mut ban leit.
Nalor kata ha ki thaiñ Phodjalei, ki paitbah kiba leit ba wan ki hap ban kam lyngba ïa ka wah Rwiang, tangba mynta pat ka la don ka jingkieng kaba la dep pyntrei naduh u snem ba la dep. Watla ym pat plie, ki kali ki la ïaid lyngba katei ka jingkieng bad ka la pynsuk shibun ha kaba pynpoi ?a ki mar ki mata sha shnong.
