Da u mot sahnam tei ka kurim ïa u (L) Nikhasi Dhar uba shah siat ïap ha ki pulit Assam

Jowai, Nohprah 28: Kum ka dak ban sah kymmaw burom ïa u (L) Nikhasi Dhar uwei napdeng ki san ngut kiba shah siat ïap ha ki pulit Assam ha ka 22.11.2022 haka shnong Mukroh West Jaiñtia Hills District.
Na ka liang ka kong Klanty Phawa kala tei syndon da u mot sah jingkynmaw ïala u jong u lok (L) Nikhasi Dhar ha phyllaw ïing jong ka bad ïa une u mot la wan ban plie ha ka por janmiet jong ka 24 tarik mynta u bnai da u Pastor (Rev) T. H. Lyngdoh, ha ryngkat ka jingdon lang kiwei de ki Pastor, ki tymmen basan bad ki paid riewngeit jong ka Balang Presbyterian.
Ha shwa ban ot ïa u ribon jong u mot sah jingkynmaw la don ka jingduwai pynkyntang bad ka jingrwai kum ka dak ka jingkyrkhu kyrdoh ïa u (L) Nikhasi Dhar uba la leit suk sha khmat jong U Blei Trai Kynrad.