Da ki signboard pynïeng ka FKJGP ha Bhoirymbong ban mana ïaki kali ba pynher sted

0

Nongpoh, Kyllalyngkot 28: Kum ka jingmana ïaki paidbah kiba ju mlien ban pynher sted ïaki kali haka thaiñ Bhoirymbong, khamtam haki jaka ba long ïew bad bun ki paidbah ba leit ba wan, ka FKJGP Bhoirymbong Circle hapoh ka jingïalam u Samla Boy Kurbah President bad u samla Banseng Sohiong Secretary lem bad ki dkhot, kala pynïeng syndon da ki signboard haka shnong Bhoirymbong Lumdaitkhla bad Lumsohpieng ban mana ïaki paidbah ba kim dei ban pynher sted ïaki kali hynrei ban ñiah suki katkum ka speed limit bala buh.
Haba kren sha ki lad pathai khubor naka liang u Samla Banseng Sohiong Secretary ka seng u la pynpaw ba kum ka seng ka dap da ka jingsngewkhia kaba jur halor ka jingpynher sted jong ki kali haka thaiñ Bhoirymbong kaba lah ban buh jingma ïaki paidbah haka leit ka wan bad lah ruh ban wanrah ki jingjia ba sngewsih, dei halor katei ka nongrim ba kum ka seng kala pynïeng syndon da ki Signboard ha katei ka thaiñ haka jingdonlang bad snohkti lang ki Dorbar Shnong ban maham ba ki paidbah kim dei ban ñiah khyllew ïaki kali hynrei ban ñiah suki jai khamtam haki jaka ba bun briew bad lada lap ïa kiba pynkheiñ naka liang ka seng kan sa shim da ki sienjam kiba tyngeh.
Halor katei ka sienjam bala shim da ka FKJGP ban maham ïaki paidbah ba kim dei ban pynher sted ïaki kali naka liang ki Dorbar Shnong jong ka Lumdaitkhla bad kumjuh ruh ka Lumsohpieng kila ai ka jingkyrshan ba pura ïaka seng ban ïada na kino kino ki jingjia ba sngewsih kiba lah ban jia tang naka jingñiah sted bad thurmur ïaki kali bad kyrpad ruh sha ki paidbah ba kin bud ryntih ïaki kyndon ban lait naki jingjia ba sngewsih.

Leave A Reply

Your email address will not be published.