Da ki marbam leit sam ka SDRF ha thaiñ Dalu
![](https://mawphor.com/wp-content/uploads/2022/07/mawphor-1.jpg)
Shillong, Risaw 10: Ka Meghalaya’s State Disaster Response Force (SDRF) ka la bteng ban leit ai ki lad jingïarap sha ki jaka ba la shah ktah ha ka jingshlei um kiba don hapoh ka shnong Dalu C&RD Block kaba ha West Garo Hills.
Ka kynhun jong ka SDRF ka la ïarap ruh ban sam ai ïa ki marbam bad ki tiar kiba kongsan hapoh ka shnong Doriapara, Anggalanggre bad Ganipara kaba ha Dalu C&RD Block.
Lah ban kdew hangne ba ka kynhun SDRF kaba la don ha thaiñ Dalu naduh ka sngi Thohdieng jong u taïew ba la dep ka la shim bynta ha kiba bun ki liang ban ai ki lad jingïarap sha ki nongshong shnong kiba la mad ïa ki jingeh na ka daw ka jingshlei um bad ka jingtwa khyndew.