Jowai, Rymphang 20: U Chief Executive Officer, Jowai Municipal Board, Jowai ula pyntip ba ka ophis Jowai Municipal Board kala dep pyndait ïa ki saw (4) tylli ki CCTV Camera haki bynta ka Thomas Jones Synod College, ha Iawmusiang bad ha u surok Jowai (Main road).
La pyntip ka jingpyndait ïa kitei ki CCTV Camera ka long shi bynta ban ïada na ka jingbret pathar ïa ki ñiut ha kylleng sawdong kiba lah ruh ban wan rah ïa ka jingjaboh.
Na ka liang u CEO ula pyntip ba ki trok kit ñuit jong ka Jowai Municipal Board ki leit lum ïa ki ñiut na ki jaka ba juh ïeng manla ka sngi naduh ka por 5 waje mynstep haduh 8 baje janmiet lait na ka sngi u Blei.
