Shillong, Rymphang 07 : Ka kynhun ïalehkai jong ka Malki CC ka la ïoh ban pynliem noh ïa ka Jersey Kings da ki 8 ron ha ka jingïakhun jong ka Shillong Cricket League 2nd Division 2023.
Hadien ba ka Malki CC ka la jop ïa ka jingkynting pisa, ka la jied ban tied nyngkong bad ïoh kamai 122 ron bad liem da ki 9 wiket ha ki 20 over. Na ki rangtied ba ïalehkai bah, u Raymond Mylliempdah u la ïoh ban kamai 30 ron ha ki 30 bol, katba u Jhon Shabong pat u la ïoh ban kamai 24 ron ha ki 34 bol.
Na ki rangkawang bol, u Arun Kumar u la ïoh ban khur saw wiket bad ai kamai 15 ron ha ki saw over, katba u Raj Biswa pat u la ïoh ban khur ar wiket na ki saw over bad ai 31 ron.
Haba beh ïa ka thong, ka Jersey Kings ka la ïoh ban kamai 114 ron bad liem san wiket ha ki over. Na ki rangkamai ron, u Vivek Kumar u la ïoh ban kamai 38 ron na ki 32 bol, u Raj Biswa pat u la ïoh ban kamai 25 ron ha ki 29 bol. Na ki rang kawang bol, u Raymond Mylliempdah u la ïoh ban khur shi wiket bad ai kamai 9 ron ha ki shi over, katba u Heh Kamai Sari u la ïoh ban khur lang shi wiket bad ai kamai 19 ron ha ki saw over.
Ïa ka khusnam rangïalehkai ba kynsai la ïoh da u Raymond Mylliempdah jong ka Malki, uba la ïoh ban kamai 30 ron bad khur shi wiket.
Kane ka long katkum ka kyrwoh ba la phah da u Bah Banri Kharmalki, General Secretary ka Shillong Cricket Association.
