Shillong, Naiwieng 26: Ka Department for Promotion of Industry and Internal Trade (DPIIT), da ka jingïatreilang bad ka sorkar Meghalaya, ha ka sngi baar ka la pynlong ïa ka B-Ready Firm Sensitization Workshop ha Shillong.
Ha kane ka workshop la pynleit jingmut kiba bun ki kam kiba kongsan kiba dei ki kam jingtei kum ha ka Utility Services, kaba kynthup ha ka kam bording, ka um bad ka Internet, bad kiwei kiwei ki kam kiba don ha ki jaka bapher bapher.
Da kaba thmu ban kyntiew ïa ki kam thaw aiñ ki ban long haduh ki shnong ki thaw, kane ka workshop ka la wanrah lang ïa ki heh ophisar ka sorkar, kiba trei ha ki kam karkhana, bad kiwei ban khmih bniah bad ban peit ïa ki jingeh kiba long ka daw hapoh ki kam kiba ïadei bad ka ecosystem.
Da kaba pynsuk lyngba ka jingïakren kaba markhmat hapdeng ki nongthaw aiñ bad kiba trei ha ki kam karkhana, kane ka workshop ka la long ka sienjam kaba kongsan ban wanrah ïa ka jingkitkhlieh kaba khambha bad ba ki kam hapoh ka sawdong sawkun kaba bha ha Meghalaya.
