Da ka ‘Science Exhibition’ rakhe Jubili Rupa ka Christ Church

0

Shillong, Jymmang: Kum shibynta jong ka jingrakhe ïa ka Jubili Rupa (Silver Jubilee), ka Christ Church Morning School, Mawlai Syllaikariah ka la pynlong ïa ka ‘Sciene Exhibition’ ha ka jingïadon ryngkat lang u Dr. C.J.K Warjri, BDO Sohiong C&RD Block kum u kongsan. ïa kane ka Science Exhibition la pynlong ha Christ Church Morning School ha ka 28 tarik u bnai ïaïong ba la dep.
Haba jingkren kum u kongsan u bah Warjri u la ai khublei ïa ka skul kaba la lah ban pynlong ïa kane ka Science Exhibition kum shi bynta jong ka jingdap 25 snem jong ka skul step.
Ha kajuh ka por u la ban jur ruh ba kum kine ki jait prokram ka ai ïa ka kabu ksiar ba ki khynnah skul kin ïoh ïa ka lad ban pyni ïa la ka jong ka sap ka phong kaba ki don bad ka jingdonkam ïa ka subjest Science katba dang mih ki sngi ki por.
Ha kane ka sngi na ka liang u BDO u la noh synñiang ruh 10,000 tyngka kum ka dak jong ka jingdon bynta lang ha ka jingrakhe ïa ka Jubili Rupa.
Shuh shuh ha kane ka sngi la ïoh ruh ban sam ïa ki khusnam sha ki nong ïashim bynta kiba jop.

Leave A Reply

Your email address will not be published.