Jowai, Rymphang 23: Ka Social and Economic Life Development Committee (S.E.L.D) jong ka Mowkaiaw Presbytery, kala ïoh ban pynlong ïa ka Awareness program halor ka phang ‘Violence Against Women’ ha ka shnong Khatkasla West Jaiñtia Hills ha ka 21/3/2024.
Ha kane ka sngi la ïoh ïa ka jing pynshai bad ka jingai mynsiem ïa ki kynthei ba shah thombor (Abuse) Lyngba ka jing kren na ki Resource Person kiba kynthup ïa ka kong R. Passah- (DSWO, WJH), ma S. Ksoo ( Lawyer OneStop), kong L. Ksoo ( OneStop Centre Manager) bad u ma F. Hujon ( Finance Empowerment for Women through SHG.
La pynlong ïa ka jingmareh thong ïa ki kynthei da kaba teh khmat (Blindfold) bad ruh la ai ïa ki khusnam sha ki nong jop.
Ka kong R. Passah kala mait phang halor ki scheme bapher na ka bynta ki kynthei ha ka imlang ka sah lang. Kaba la ai ka jingkyntu ïa ki khynthei ban wan sha khmat lada shah thombor hano hano, na ka bynta ka hok jong ki.
U ma S. Ksoo Kum u Pleader/Lawyer ula mait phang halor ki hok jong ki kynthei kat kum ki aiñ jong ka sorkar Lada Shah thombor. Ka kong L. Ksoo kala mait phang holor ki lad jingïarap ba ka ONE STOP ka ïada bad ka ai na ka bynta ki kynthei ba shah thombor.
Katba na ka liang u ma F. Hujon ula mait phang halor ki jingïarap ïaki ki kynthei ba shah thombor ba ki lah ruh ban ïoh ki jingïarap lyngba ki S.H.G kiba don ha la ki jong ki jong ki shnong khamtam ïa kito ki kynthei kiba lehraiñ ban pyntip paidbah shaphang ka jingshah banbeiñ ïa ki.
