Da ka Ordinance mynjur ka Sorkar ban kyntiew ïa ka pisa ka CF sha ka T. 1 hajar klur tam

0

Shillong, K’ Lyngkot 30: Ka kynhun Myntri ha ka sngi Palei ka la mynjur ban wanrah ïa ka ordinance na ka bynta ban kyntiew ïa ka corpus amount jong ka Contingency Funds (CF) jong ka Meghalaya sha ka T. 1005 klur.
Haba pyntip ïa kane hadien ka jingïalang, u Myntri Rangbah u Conrad K Sangma u la ong, “Ngi la mynjur ban wanrah ïa ka ordinance ha kaba ïadei bad ka Contingency Funds jong ka Meghalaya bad ka pisa jong ka corpus la kyntiew sha ka T. 1005 klur ban kynduh ïa ki jingdawa kiba bun.”
Haba batai ïa ka daw sha lyndet jong kane ka rai, u Sangma u la ong, “Ka Contingency Funds ka dei ka kyndon hapoh ka rukom mang tyngka jong ka sorkar jylla, naba shisien ba la mang tyngka kaba donkam, kaba la dep ban mynjur hapoh ka Ïingdorbar Thaw aiñ ka la lut na ka bynta kawei ka tnat, ka donkam ban wanrah lyngba ka jingdawa bynrap ne supplementary demand khnang ban lah ban pynlut khambun bad hajuh ka por ban wanrah ki jingdawa bynrap ba dei ban mynjur hapoh ka Ïingdorbar Thaw aiñ kumta ka Contingency Funds ka la shah ban pyndonkam ïa ka kyndon.”
“Mynta, kane kam mut ba ngi don ka Contingency Fund kaba wan bad ba ngi kyntiew ïa ka pisa halor ka nongrim jong ka cash flow. Ka pisa ka dei kaba la don na ka bynta ka jingpynlut hynrei namar ba ki kyndon kim don hapdeng ki kyndon mang tyngka naba ïa ka mang pisa la mynjur hapoh ka Ïingdorbar Thaw aiñ, ngi donkam ban rah sha ka Contingency bad wat ba mynta kumba nga la ong naba ngi don ka pisa na ka bynta katto katne ki jingpynlut, kumta donkam ban buh ïa ki kyndon bad dei halor kane ba u pud ka Contingency la dei ban kyntiew na ka bynta jong ngi ban lah ban ïaid shakhmat bad kito ki jingpynlut bad kumta kane ka kyndon dei ban bsuh bad donkam ban wanrah ïa ka ordinance khnang ban kyntiew ïa ka kyndon ka Contingency Fund bad ban kyntiew ïa ka sha ka T. 1005 klur,” u la bynrap.

Leave A Reply

Your email address will not be published.