Da ka Knockout FT yn pynlong ka Kur Thangkhiew

Nongpoh, Nohprah 12: Ka Kur Thangkhiew ba hap hapoh ka Raid Nongkhrah ka la rai ban pynlong ïa ka Knockout Football Tournament shi bynta ban kyntiew ïa ki sap ki phong ki khun samla ha ka phutbol ha katei ka thain.

Kane ka Knockout Football Tournament kan sdang naduh ka 19 tarik u Nohprah 2024 ha Madan Nongkhrah, ha kaba ka Kur Thangkhiew ka la rai ban ai ïa ka buskit kaba T. 30 hajar na ka bynta ka kynhun laduh bad T. 15 hajar na ka bynta ka kynhun kaba wan baar ha kane ka tournament.

Ïa kane ka Tournament yn pynïaid da ka Kur Thangkhiew ba hap hapoh ka Raid Nongkhrah bad na ka liang ka Kur Thangkhiew ka la khot la wer ïa kino kino ki kynhun na ki shnong bapher bapher ba kin wan ban shim bynta bad ka jingwan shim bynta ki kynhun kan long ka jingjop ïa kane ka tournament. Ha kane ka jingïalehkai ki kynhun ba wan shim bynta kan don ruh ka jingpynïalehkai Lucky Draw. Kane ka long katkum ka kyrwoh ba la phah da u Bah Ampliwel Thangkhiewm Secretary ka Kur Thangkhiew.