Shillong, Nohprah, 18 : Ka Rotary Club Shillong Heritage (RCSH) ryngkat ka jingïatreilang bad ka Synjuk ki Seng Samla Shnong (SSSS) Shillong City ki la pynkup burom da ka khusnam Sharak Rit kum shi bynta ban ai mynsiem ïa ki samla kiba don ha la ki jong ki jong ki sap pule ne treikam bad khamtam kito kiba ieng ha la ki jong ki kjat ban sengkam bad ban ai jingïarap ïa kito ki samla kiba donkam shisha ka jingïarap bad ïa ki Seng Samla Shnong kiba trei bad shakri kham bha hapoh shnong hapoh thaw.
Ki nongïoh khusnam ha kane ka jingïalang kaba la long ha Pinewood Hotel, Shillong ki long ka samla Ibadalin Kharbuli, samla Alisdora Kharkongor, samla Bandarika Kharkongor, Welkin Stone Shadap, Glorify Kurbah, Ferddy Banteilang Jyrwa, Kynsai Kharmawphlang, Daphilahun Wahlang, George GH Suting, Bony Brodson P Warjri, Wallam Jingsuk Khongshun, Kampherika Thangkhiew, Robinson Jyrwa, Christopher Wahlang, Ryan Nongkhlaw, Aiborlang Kharthangaw, Mordekai S Kharpuri, Jonathan Ïawphniaw, Donbok shabong, Gabriel Jeffernel Jyrwa Marwein, Seng Samla Lum Shyiap Pyllun, Seng Samla Mawlai Pyllun, bad ka Spring of Hope Children’s Home.
La pynïaid bad pdiang burom ïa baroh da u President jong ka Rotary Club Shillong Heritage u Vishal Amarnani bad u General Secretary u Jasbir Singh, katba na ka liang ka Synjuk ki Seng Samla Shnong la lamkhmat da u Chairman u Bah Bah Pynshaiboklang Diengdoh bad u General Secretary Bah Vivan Kharkongngor.
Ka jingai khusnam, ka long da ka Pisa bad ki syrnot.
U President jong ka Rotary Club Shillong Heritage u la ai khublei kitbok kitrwiang sha baroh kiba ïoh khusnam bad ka long ruh kum shibynta ba ai mynsiem ïa kiwei pat ki para samla ba kin dang ïai trei minot ha la ki jong ki jong ki sap bapher bapher.
U Chairman ka SSSS Shillong City u la ong ba kim dei ban tieng, ban randien ne duh jingkymen ha ka jingïaid lynti ka jong ki.
“Kin don bun ki diengpynkiang, hynrei long kiba skhem ha ka jingmut jingpyrkhat bad kynmaw barabor ban buh beit ha ki jingduwai shwa ban sdang ne ïaid ha ka lynti ka jong ki,” la ong u Bah Diengdoh.
