Da ka jingïakop mareh rakhe ka Raj Bhavan ïa ka Gandhi Jayanti & Swachhata Hi Seva

SHILLONG, Risaw 02: Ka Raj Bhavan Shillong ka la sakhi ïa ka jingwantuid ki paidbah kaba ym pat ju lap mynno mynno naduh ka por 5 baje mynstep ha ka Sngi Balang ha kaba ki nongmareh ha ki rta bapher bapher ki la wan ban pynrung kyrteng ïalade na ka bynta ka Swachhata Run kaba 5.5 km hapoh ka lama jong ka Swachhata Hi Seva ban rakhe ïa ka Gandhi Jayanti. Palat 1500 ngut ki paid nong Shillong ki la wan ïashimbynta ha kane ka Swachhata Run ba la pynlong da ka Raj Bhavan bad ka Central Bureau of Communication (CBC) Shillong in association ryngkat ka jingïatreilang ka District Sports Office jong ka East Khasi Hills.
La kaweh ïa ka lama ban sdang ïa ka jingmareh da u Lat ka Jylla Meghalaya – u C. H. Vijayashankar. Kane ka Swachhata Run la pynlong ryngkat ka jingthmu ban pynsngewthuh shaphang ka jingkhuid bad ban kyntiew ïa ka Central Government’s Swachhata Hi Seva hapdeng ki paidbah, ong u Lat ka jylla. U la pynpaw ruh ka jingsngewnguh ïa ka jinglong shlur jong ki briew ban ïashimbynta ha kane ka marathon wat hapdeng u slap ba jur.
Kane ka Swachhata Run kaba 5.5-km ka la sdang na Raj Bhavan, ïaid lyngba ka St. Anthony’s College, Shillong College, St. Mary’s College, Don Bosco Square, Laitumkhrah Market, Fire Brigade, St. Edmund’s School, Malki Point, Barik Point, Civil Hospital, Main Secretariat, DC Office bad pynkut ha Raj Bhavan, Shillong.
Ha ka Open Category (Shynrang), u Daniel L Walang, Nahtei Wangnao bad u Dasaman Khyndait ki la wan ba nyngkong, ba ar bad ba lai marïabud, katba ha ka Open Category (Kynthei), ka Marqueenless Ramsiej (1st) , Phyrnai Khyndait (2nd) bad ka Dapliss Wahlang (3rd) ki la poi kyrdan ba hakhmat marïabud. U Daniel L Wahlang u la pyndep ïa ka jingmareh hapoh 17.15 minit katba ka Marqueenless Ramsiej ka la pyndep hapoh 22.25 minit. La sam khursnam ruh sha ki nongmareh kiba la 50 snem shaneng ha baroh Shynrang bad Kynthei.