Shillong, Nailur 03: Ka Khasi Students (KSU) Union Jowai Unit kan sa pynlong ïa ka 2nd Mait Shaphrang academic Award jong u snem 2024.
Ïa kane ka Award kiba lah ban ïoh bad apply dei tang kito ki samla ba pule ha sor Jowai.
Kiba lah ban ïoh ïa kane ka khusnam ne Award kin long tang kito kiba ïoh 75% shaneng jong ka HSSLC, bad SSLC ruh kumjuh.
Baroh ki nong apply ïa kane ka Award ki hap ban pynpoi ïa ki kot ba donkam ha office treikam jong ka seng ha Solani colony Mihmyntdu.
Ki document kin long ka Marksheet Xerox (1 copy), Marksheet orginal, ban pynshisha ïa u/ka.nong apply, ka phone numbar nong apply, ne jong kiba ha ïing. Ka sngi pynpoi ïa ki marksheet jong ki nong apply kan long naduh ka 3/9/2024, haduh ka 30/9/2024 bad ym lah ban pdiang ïa kino kino kiba wan yn da la kut ka por ba lah buh.
Ïa kane ka Award ka seng kan pynlong ha ka 19/10/2024 bad ïa ka jaka yn sa pyntip pat ha shwa ki sngi ban pynlong bad ïa ki jingtip ba bniah lah ban phone ha Ewani phawa President Jowai Unit 8119010073, Laymanki Paslien Education Secretary Jowai Unit .7005045163/ Nidapoi Shadap Genaral secretary Jowai Unit 9863607377.
