Shillong, Nailur 03: Ka All Garo Hills SSA School Teachers Association (AGHSSASTA) ka la ai por 2 taïew ïa ka sorkar ban pynkiew ïa ka tulop jong ki ne kin pynlong da ka jingïakhih ha baroh kawei ka jylla.
Ki nonghikai SSA ki la ong ba kane ka sorkar Meghalaya Democratic Alliance ka la leh bym suitñiew ïa ka kam jong ki da kaba kam shym la kyntiew ïa ka tulop jong ki naduh ka snem 2016 napoh ba la synshar da ka seng Congress.
Ha katei ka por ki nonghikai SSA ba hapoh ka lower primary ki ïoh ka tulop kumba T. 19,044 bad ïa ki upper primary pat ki ïoh T. 20,493 hynrei kane ka pisa ka la neh sah da ki snem bad kane ka la wanrah ka jingeh ruh na ka jingkiew ki dor ki mata.
Ka AGHSSASTA ka la pynpaw ba ka kwah ka jingkyntiew tulop kaba long 100 per cent bad na ka liang u president jong kane ka seng ki nonghikai u, LG Momin, u la ïathuh ba kane ka jingduna ka tulop bad ka jingbym kyntiew ka la long ka history jong ki nonghikai SSA ka Meghalaya.
