Nongstoiñ, Jylliew 26: Ka seng Hynñiewtrep National Youth Movement West Khasi Hills District hapoh ka jingïalam u samla Tailan Star Lyngkhoi President HNYM WKHD, ha ka taiew ba la lah ka la leit ban jurip ïa ka Civil Hospital Nongstoiñ bad ha katei ka jingleit jurip la lap shibun ki jingduna ha ka rukom treikam.
Hadien katei ka jingleit jurip la ïoh ruh ban ïakren bad u Dr. Z.Marak Medical Superintendent of West Khasi Hills bad kitei ki nongïalam ka seng ki la kam ruh ba utei u Doctor, u la ïathuh ba ka jingdkoh treikam ka dei namar ka jingbym don briew bad duna ki Doctor. Ym tang katta ki mashin ban leh scanning bad ka x-ray ki la shu sarang namar ka jingbym don nongtrei.
Hadien kata, katei ka seng ka la leit ruh ban jurip ïa ka jaka pule Nurse bad la ïohi ba katei ka jaka kam I long shngaiñ, namar kam shym la don ka jingker bad ka long sheptieng ïa kiba pule Nurse khamtam kiba sah hostel.
Ha katei ka sngi haba ka seng ka la kylli pyrthew na ki ba thiah pang, ki nongpang ki la ïathuh ba kiba bun ki dawai la shu thied nabar ban kaba ïoh na Hospital.
