Shillong, ïaïong : U Bah PT Sawkmie, MLA barim ka Mawlai constituency u la pynpaw ba un ïai buddien ban pyndep ïa ki skhim kiba u la mang bad pynïoh ha ka por ba u dang long u MLA jong ka thain.
Kumta ha kaba ïadei bad kane u Bah Sawkmie ula leit jngoh ïa ka jingshna ia ka project kynroh kaba dang shna ha Mawlai Presbyterian Higher Secondary School, Iewrynghep, u la leit jngoh ruh ïa ki kynroh (Fencing) ba la jan dep shna jong ka Mawtawar Presbyterian Secondary School bad ïa ka nala (Drain) kaba dang shna ha Mali 1, Mawdatbaki.
Haba kren sha u nongthoh khubor u bah Sawkmie u la pynpaw watla um long MLA shuh, un dang ïai bteng ban shakri ïa ki paidbah bad u kyntu ïa ki ba kin ym duh mynsiem, namar ba un ïai don ryngkat barabor bad ki.
Shuh shuh u pynthikna ruh ba un dang ïai buddien ïa ki skhim kiba u la mang haduh ba kin da dep.
