Bteng ka ophis ka DTO ban ïalap paidbah ban pynduh jaid ïa ka jingpang TB ha Ri Bhoi

0

Nongpoh, Risaw 14: Ka ophis ka District Tuberculosis Officer, Ri Bhoi District mynta ka sngi ka la bteng ban ai jingpynshia paidbah na ka bynta kumno ban pynduhjaid ïa ka jingpang TB ha Ri Bhoi District da kaba pynlong ïa ka jingïaid paidbah bad ai jinghikai sha ki paidbah ha Byrnihat.
Kum ban pynkynmaw, ka ophis ka District Tuberculosis Officer Ri Bhoi mynta ka sngi ka la pynlong ïa ka jingïaid paidbah ba la shim bynta da ki khynnah skul, ki ASHA bad ki paidbah kaba la sdang na Byrnrihat PHC bad pynkut ha Iew Byrnihat, ka dei shi bynta na ka thong jong ka National Tuberculosis Elimination Programme bad ka Pradhan Mantri TB Mukt Bharat Abhiyaan, kaba dei kawei na ka thong ka sorkar India ka la buh thong ban pynduhjaid noh ïa ka jingpang TB ha u snem 2025 bad ka sorkar Meghalaya pat ka la buh thong tang ha u snem 2024.
Nalor ki khynnah skul ki skul na Byrnihat, ki nongtrei ka tnad ka koit ka khiah bad ki paidbah, ha kane ka jingïaid paidbah bad ruh ban pynlong ïa ka jingai jinghikai halor ka jingpang TB la shim bynta naduh ka District Tuberculosis Officer ka Ri Bhoi, ka Dr. E. Kalwing, ka State Coordinator, ka Kong Tracy Kharkamni, u Medical Officer ka Byrnihat PHC, u Dr. Pritom Marak bad kiwei kiwei de.
Ha kane ka sngi, naduh ka District Tuberculosis Officer, ka Dr. E. Kalwing, u Medical Officer ka Byrnihat PHC, u Dr. Pritom Marak bad ka Sister Aitis Muktieh ki la ai jingkren sha ki paidbah ban pynshai halor ka jingktah ka jingpang TB kaba dei kawei na ka jaid jingpang ba ïabit bad ruh kaba la shim bun bah ki jingim ba kor bad kum ki paidbah ki dei ban ai ka jingïatrei lang bad ka sorkar na ka bynta ban pynduhjaid ïa kane ka jingpang TB kaba ka sorkar Meghalaya ka la buh por ha u snem 2024 bad ka sorkar India ka la buh por ban pynduh jaid ïa kane ka jingpang ha u snem 2025.

Leave A Reply

Your email address will not be published.