Jowai, Lber 21: Ka Lehñiam ‘Rongkhli’ kaba lai sngi lynter bala pynlong da ka Kur Pohsnem bad ka Raid Nongtalang kala poi sha ka sngi ba ar mynta ka 22 tarik, ha kaba la don ka nguh ka dem ‘Niam Rongkhli’ naduh ka por 8 baje shiteng mynstep.
Naduh ka por 9 baje mynstep kala don sa ka shad Mastieh bala shim bynta da ki rang ha dwar u Niaw Esor Pohsnem, ha dwar Raij Lyngdoh bad ha Phlong Sepsngai Nongtalang kiba la shad kmen ha ryngkat ka jingsawa ka ksing bad tangmuri. Katba ha ka por 5 baje janmiet kala don ka Shad Kynthei (Kelang) ba la shim bynta da ki thei jong ka Raij Nongtalang.
Ïa kane ka lehniam mynta u snem yn pynkut noh lashai ka sngi 23 tarik kaba dei ka sngi khadduh bad kan don biang ka shad Kynthei “KELANG” ka ban sdang naduh ka por 4 baje janmiet.
La ïathuh ba ka jinglehñiam ‘Rongkhli’ kadei kawei na ki riti dustur jong ka Raid Nongtalang, ïa kaba la pynkhie im biang ïa ka haka dur jong ka lehñiam leh rukom da ki nongïalam niam ka Raij.
