Jowai, Ïaïong 29: U Deputy Commissioner, ka West Jaiñtia Hills ula pyntip paidbah ha kaba ïadei bad ka skim SMART Public Distribution System (SMART-PDS), ki paidbah ki lah ban ïoh jingmyntoi mynta naduh Ration Card bad kiwei de ki kam lyngba ka online.
La kyntu ïa ki nongshong shnong ba kin pynpoi ïa ki aplikeshon jong ki tang lyngba ka online portal bala buh kyrpang haka: https://ml.smartpds.nic.in/login/citizen. Kiba ïoh myntoi ki lah ban login da kaba pyndonkam ïa u Aadhaar ryngkat u OTP lane u Ration Card Number bad u OTP.
La pynsngew ba ki lad jingïarap kiba lah ban ïoh haka Smart PDS portal ki kynthup naduh ka rukom aplai thymmai ïaka Ration Card, ka jingpynrung kyrteng ïa ki dkhot, ka jingpyndam ïa ki dkhot na ka Card Rashon, ka jingpynkylla ïaki jingdonkam haka Card Rashon nalor kiwei kiwei de.
