Ban pynkylluid ïa ka Sor Shillong kam dei tang ban weng ïa ka them Metor : Paul

0

Shillong, Lber 07: U Bah Paul Lyngdoh, uwei na ki Myntri jong ka sorkar MDA 2 uba dei na ka Seng UDP, u la ong ba ka jingpynkylluid ïa ka Sor Shillong kam dei tang ban pynkynriah ïa ka Them Metor na ïew Mawlong, hynrei u la ong ba kadei ban peit lut ïa kiwei de ki bynta kiba pynkhapngiah ïa ka Sor.
Haba ïakren bad ki nongthoh khubor hadien ba ladep ka jingpynsmai ha Raj Bahvan, u Bah Paul u la ong ba un pyndonkam lut ïa kaei ïa ka jingtbit ba u la ïoh ha kine ki laiphew snem kum u nongtrei ha ka imlang sahlang bad kum u nongïalam ha ka saiñpyrthei na ka bynta ban trei ban kyntiew ïa ka jylla ha kiba bun ki liang naduh ka jingeh ba ki Samla ki ïakynduh, nangta ki jingeh jong ka ha ka liang ka kamai kajuh bad kiwei kiwei.
Shuh shuh u Bah Paul u la ong ba u hun beit ïa kano kano ka jingbhah kam kaba la ai ha u bad ka kamram jong u ka long ban shakri bad ban pyndep ïa ka kamram kaba ki paidbah ki la bynshet ha u.

Leave A Reply

Your email address will not be published.