Ban mushlia ïa ka kam shimet u briew ka dei ka kam khynnah; kynnoh u Bah Hek ïa u Mukul

0

Shillong, Nailur 26 : “Ka jingkynnoh pyrshah ne mushlia ïa ka jingim shimet jong u briew ka dei ka kam Khyllung khynnah” ong u MLA ka BJP bad Myntri Sorkar Bah A.L.Hek haba jubab ïa ka jingkam u Nongïalam ka AITC Dr Mukul Sangma ba u Myntri Rangbah ka Jylla u Conrad K Sangma u don ka jingïadei ba ïajan bad u briew ba kynnoh donkti khaïi drok, ‘Drug Kingpin’ na Mizoram.
U Bah Hek ula ai nuksa ba kyllum haba ban jur ba ym ju dei ban artatien ha ka ban don jingïadei bad no bad no ruh da kaba ong ‘Lada ki briew ki pyni ba ki burom ïa nga, nga ruh ngan pyni ïa ka jingburom jong nga ïa ki”. Ula kynthoh ba ka jingïashondur lang bad no bad no ruh kam dei satia kaba bakla.
Haba ïakren bad ki nongthoh khubor, u Bah Hek ula kynthoh ba kaei kaba u Dr Mukul ula kren hapoh ka ïing Dorbar Thaw Aiñ ka dei ka kam Khynnah.
U Bah Hek ula ban jur “Phi don ïa la ka jingim shimet, nga don la ka jong ka jingim shimet, baroh ki don la ki jong ki jingim shimet….ka long khynnah ban wanrah ïa ka jingim shimet ha ka rynsan paidbah”.
Hynrei, haba kylli halor ka jingkynnoh jong u Dr Mukul pyrshah ïa u CM ba mynta, u Bah Hek ula kiar ban kynthoh bad ong ba um kwah ban tuklar ïa ka jingim ba shimet jongno jongno ruh hynrei u pynrem jur ïa ki jingkynnoh u Dr Mukul da kaba ong “Ym ju dei ban wanrah ïa ka kam shimet u briew ha ka rynsan paidbah”.
Ula ban jur ruh ba kam don satia ka jingleh bakla ban ïalong paralok bad no bad no ruh, haba ai nuksa ïa ka Mary Magdalene, kaba shah kynnoh thei awria hynrei la pdiang pat ïa ka da u Jisu Khrist.

Leave A Reply

Your email address will not be published.