Ban long Nongmihkhmat paidbah kam mut ba hap ban long Myntri Sorkar : Gavin

0

Shillong, Lber 08 : U President ka People’s Democratic Front (PDF) Bah Gavin M Mylliem mynta ka sngi Balang ula ong ba ka jinglong nongmihkhmat kam mut satia ba hap ban long Myntri Sorkar.
Ula kren ïa kane haba jubab ïa ka jingbym ai bhah shuki Myntri u Myntri Rangbah Conrad K Sangma ïa ka PDF ha ka kynhun Myntri.
U Bah Gavin ula ong ba ka PDF kam sngew mong satia halor ka rai jong u Conrad namar kala dier palat ban ai jingkyrshan ïa ka Sorkar Meghalaya Democratic Alliance-2.
“Kum u Nongmihkhmat paidbah, kam mut eh ba hap ban long Myntri Sorkar hynrei ngi don hangne ban shakri ïa ki paidbah ha kano kano ka bor ba ngi don” ula ong.
Ula ong ba ka PDF kala rai ban kyrshan ïa ka Sorkar MDA-2 namar ka jingkyrpad jong u Myntri Rangbah ka Jylla.
Une u President ka PDF ula ïathuh ba u Myntri Rangbah ka Jylla u kular ban ai jaka ïa ki MLA ka Party ha ka Sorkar Jylla. Ula ong ba kam shym la don satia ka jingïakren ban ai jaka ïa ka party ha ka kynhun Myntri.
Haba kylli la ka party ka la duh ïa ka lad, u Bah Gavin ula ong “Ngi la slem ban ai ïa ka jingkyrshan ïa ka Sorkar. Jin ba ngi la ai jingkyrshan naduh kaba sdang, ngin jin da la ïadonang ha ka kynhun Myntri”.
Ula ong, ka PDF kan ai ka jingïatrei lang bad ka Sorkar na ka bynta ka jingkiew shaphrang jong ka Jylla.
“Ngin ïai trei bad ïai bteng ban pynsngew ïa ki ishu ki ban pynjanai ïa ka jingtreikam jong ka Sorkar na ka bynta ka bha ka miat jong ki paidbah ka Jylla” ula bynrap.

Leave A Reply

Your email address will not be published.