Bam duh ka ding ïa ka karkhana dieng ha Upper Shillong

0

Shillong, Lber 10 : Kawei ka karkhana ot dieng kaba don ha 7th Mile Upper Shillong ka la pluh kynsan bad ka ding kaba la klang bha, kala bamduh ïa kane ka karkhana.
Katei ka jingjia kala jia haka por 11:30 mynmiet jong ka sngi Palei bad haduh mynta ym pat lah ban tip ïa ka daw tynrai jong ka jingpluh jong katei ka karkhana ot dieng.
Katkum ki khubor ba la ïoh lum, la ïathuh ba katei ka karkhana ka dei kaba la longtrai da u Bah Arbes Kharsati bad ha katei ka jingpluh, ki mashin bad ki dieng kiba shongdor da ki lak tyngka, ki la shah bamduh ha ka ding kaba la klang bha.
Haba ki pulit pynlip ding kila ïoh jingtip halor katei ka jingjia, ki la leit ban tem ïa kane ka ding. Ki la don 4 tylli ki kali pynlip ding kiba la poi sha katei ka jaka bad hadien ar kynta tam jong ka jingïakhun ki sa lah ban pynlip ïa katei ka ding hynrei kim shym la lah pat ban ïada ïa katei ka karkhana na ka jingshah bamduh ha ki thylliej ding.
La antad ba ki mashin kiba shongdor kumba T.25-30 lak kila shah pynjulor ha katei ka ding kaba la klang bha.

Leave A Reply

Your email address will not be published.