Bam duh ka ding ïa ka ïing ha shnong Tynnai, lait thaw i heprit ba 2 snem

0

Mawkyrwat, K’lyngkot, 19: Kawei ka ïing ha shnong Tynnai kaba hap hapoh ka South West Khasi Hills District ka la shah bam duh ha ki thylliej ding ba klang ha kaba ki tiar ki tar ruh ki la ing lut baroh.
Katkum ka jingïoh lum jingtip na u Myntri Shnong Tynnai Bah T. Jyrwa u la iathuh ba kane ka la jia ha hynnin ka sngi Saitjaiñ ha ka por kumba 6:00 baje janmiet hynrei ha kane ka jingjia ym shym la don mano mano ruh ba mynsaw.
La ong ruh ba ka jingkem ding jong ka iing ka dei ba ki trai ïng ki la kum bakla ban buh ïa u rnga ding hajan ka jingker ne phrah kaba pynlong ïa ka ïing ban kem ding.
Ka iing ba la pluh ka dei jong ka Kong Bada Jyrwa na ka shnong Tynnai bad donbok ba ha ka jingsumar U Blei la shu ïoh ban pyllait im ïa i khyllung ba dang 2 snem ka rta iba dang thiah hapoh ïing.
La kheiñ antad ba ki jingjulor ha kane ka jingjia ka la kot haduh 3 lak tyngka eiei.

Leave A Reply

Your email address will not be published.