Bam duh ka ding haduh 7 tylli ki dukan ha Nongpoh, suba ba thang dusmon ki runar

0

Nongpoh, Jymmang 09: Ha ka step phyrngap jong ka sngi Ba-ar kaba dei mynta ka sngi, ka ding ba shyrkhei ka la ioh ban bam duh haduh 7 tylli ki dukan jong ki paidbah kaba la wan rah ka jingduhnong kaba khraw ïa ki trai jong kitei ki dukan.
Kane ka jingjia ka la jia mynta ka step phyrngap ha ki ar tylli ki jaka kata, kata ki ar tylli ki dukan ha khmat ka Meghalaya Cooperative Apex Bank bad 5 tylli ki dukan hajan ka Nongpoh Town Shopping Complex.
Kumba la ioh lum jingtip, halor kane ka jingjia, la ong ba la iohi nyngkong da ki Pulit CRPF kiba dang don ha ka kam ban pahara ha Nongpoh ba ki la pyrshang ban leit pynlip ïa ka ding khnag ba kan nym pur sha kiwei pat ki dukan kiba don ha syndah jong kitei ki dukan.
Kumba la pynpaw da ki trai dukan ba la shah ktah, ki la pynpaw ïa ka jingsngewkhia kaba jur halor kane ka jingjia, ha kaba la suba ba la wan thang dusmon da ki runar bad ha kane ka jingjia ki tiar ki tar ba don ha ki dukan ki la shuh duh ei bad ki shah ktah da ki lak tyngka.
Halor kane ka jingjia, ki la buh ruh ka jingkyrpad ban tohkit bniah ïa ki runar ba don kti ha kane ka jingthang dusmon ïa kitei ki dukan bad na ka liang ki trai dukan ki la ujor ruh da ka ejeher ha Nongpoh Police Station.
Shuh shuh, la ong ruh halor kane ka jingjia la pyrshang ruh ban wad jingtip ïa ki runar kiba don kti ha kane ka kam lyngba ka CCTV ka MCAB bad kane ka CCTV kam treikam namar ba ym don bording ilektrik na ka daw ka jingdon jong ka jingpynlip bording (Load shedding) ka sorkar.

Leave A Reply

Your email address will not be published.