Shillong, Rymphang 28 : U MLA ka BJP na Shillong South ha ka sngi Palei u la ong ba shen un sa leit sha Delhi ban ïa kren bad ka sorkar pdeng ba kan pyllait ïa ka Meghalaya na ki kyndon jong ka Citizenship Amendment Act (CAA). “Shen ngan ssa leit sha Delhi ban kren ïa kane ka ishu bad ki nongïalam ka sorkar pdeng,” ong u Bah Sanbor haba kren bad ki lad pathai khubor.
Nalorkata, u ong, “Ngi dawa ha kato ka por ban pyllait pura ïa ka Meghalaya na ka CAA, namar kadei ka jylla riewlum.”
Kumba long mynta, la ong ba dei tang ki jaka ba hap ha ka Khyrnit ba Hynriew kiba la lait na ki kyndon treikam jong ka CAA.
