Khliehriat, Risaw 5 : Ka jingtwa ki maw nalor ki lum ka la jia biang mynta ka sngi ha ka jaka hajan ka tunel ha Sonapur, East Jaiñtia Hills District bad kane ka la wanrah ïa ka jingdheng kali kaba jur bha shi por ha katei ka thaiñ, ka jingdheng kali ka la neh haduh kumba phra kynta.
Ki thymmei khubor ki ïathuh ba kane ka jingtwa ki maw ka la sdang naduh ka por kumba saw baje mynstep ha kaba ki maw kiba heh bad kiba rit ki la hap ha ka surok national highway bad kah lynti ïa ki kali kiba ïaid, kumjuh ruh ka la don ka jingjyrsieh da ka ktieh ha kane ka jaka, la ong ruh ba ïa ka surok la lah ban pynkhuid haduh ka por 12 baje mynsngi.
Ki pulit jong ka Lumshnong Police Station bad jong ka Umkiang PP ki la shim khia ha kaba pyniaid ïa ki kali ha kane ka surok.
