Ba mih ka jingpynïapher Jaidbynriew bad ym ju ai shuti, pynher jingthoh ka HYC sha u VC ka skulbah MGU

Nongpoh, Nailur 30: Ki nongïalam ka Hynniewtrep Youth Council, Ri-Bhoi District hapoh ka jingïalam u Bah RC Thangkhiew Vice President, u Tony Shylla General Secretary lem bad u Warmest Lamin Vice President mynta ka sngi kila leit ban ïakynduh syndon ïaka Sarika Dixit, Registrar jong ka skul bah Mahatma Gandhi University (MGU) kaba don ha 13 mer Byrnihat halor shibun ki jingujor bala ioh halor ka rukom treikam jong katei ka skulbah, hadien ba u Vice Chancellor katei ka skulbah um don ha katei ka sngi
Ki mat ba ka seng kala ioh ki jingujor bad pynsngew hakhmat katei ka Registrar ki kynthup ïaka jingbym ioh shuti ki samla pule la ka dei ka shuti hapoh ka district ne haka jylla, ka jingmih ka jingpynïapher jaitbynriew hapdeng ki samla ba leit pule ha katei ka skulbah, bad kumjuh ruh ba dei ban thungkam shuwa da ki khasi kiba la biang ka kyrdan pule la ka dei kano kano ka kam kaba lait ha katei ka skulbah.
Haba kren sha ki lad pathai khubor naka liang u samla Tony Shylla u la ong b akum ka seng kala ioh shibun ki jingujor naki samla pule bad ki nongtrei jong katei ka skulbah ba ki bor pyniaid kim ju ai shuti bad kala jingmih ka jingpyniapher jaitbynriew hapdeng ki samla kiba leit pule ha katei ka skulbah kaba lah ban lam sha ka jingmynsaw.
U la ong ruh ba hakatei ka jingleit kynduh ka seng katei ka Registrar kala kam ba kam ju don kum kata bad kine baroh kidei kiba shu thok tang ban pynbudnam ïa katei ka skulbah, bad haka jingai ñia jong ki nongïalam ka HYC katei ka Registrar kala pynjem bad kular ban buddien ïa kitei ki jingujor ba ka seng kala ioh.
Kum ki nongïalam ka seng kila pynpaw ba lada kam don kaei kaei kin nym mih kitei ki jingujor bad kumba katei ka Registrar kala kam ba kam dei kaba shisha naka liang ka seng ruh kan buddien ïa katei ka kam bad lada lap kan sa shim pat da kiwei ki sienjam ban ujor sha ki bor bahalor.