Ba khanglad ban mynjur ïa ka Women Reservation Bill ha Parliament, ïaid rally ki longkmie BJP

Shillong, Ïaiong 29: Ki longkmie ka Bharatiya Janata Party (BJP) Meghalaya kila pynlong da ka rally ha ryngkat ka jingpynthaba mobile mynta ka janmiet ha Shillong, kum ka dak jong ka jingpyrshah ia baroh ki seng ba don ha ka liang pyrshah kiba la khanglad ban mynjur ïa ka Women’s Reservation Bill ha Parliament.
Ïa kane ka jingiaid paidbah la pynlong lang da ka kynhun Mahila Morcha bad ki longkmie ka SC Morcha, BJP Meghalaya.
Da kane ka jingiakhih, ki nongtrei kynthei jong ka BJP Meghalaya ki la iasnoh kti lang bad ki para kynthei ha kylleng ka ri ban ai kawei ka khubor sha ki liang pyrshah.
Ka jingshai kaba thymmai kan tyngshain halor ka women reservation bill, ki liang pyrshah kim lah ban khanglad ïa ka jingmynjur jong ka junom,’ ong u State President ka BJP Meghalaya u Rikman G Momin,
Ha kane ka jingiaid paidbah la ialam da u National Spokesperson ka BJP u Guru Prakash Paswan, u nongaiktien rangbah ka jylla u Bah Mariahom Kharkrang, u President ka Minority Morcha u Gagan Jain bad ka President ka Mahila Morcha ka kong Arena Hynniewta kiba la ialam ïa kane ka jingiaid paidbah ban pyrshah.
Ka Women’s Reservation Bill ka thmu ban bhah lypa 33 percent ïa ki kynthei ha ka Lok Sabha bad ha ki ïing dorbar thaw ain jong ki jylla.