Nongpoh, Lber 26: Ka jingdon jong ki post elektrik bala jan kdiah bad kheiñ naka jingbam sarang haka shnong Umdap Dumu ha Ri-Bhoi kala buh jingma ïaki paidbah haka leit ka wan, namar kitei ki post elektrik ki lah ban khyllem ha kano kano ka por bala hap ban shu kyrshan da ki dieng, naka jing bym shimkhia ka tnad MeECL ban pynbha lane ban bujli ïaki post wat hadien bala ujor bad pyntip naka shnong.
U Samla Albert Maring haba phah ïaka kyrwoh u la pynpaw ba bun naki post elektrik ha katei ka shnong ki dei kiba la don jingma bad lah ban khyllem ha kano kano ka por, hynrei haduh mynta ym don ba shimkhia naki bor ba dei peit, kaba lah ruh ban wanrah kano kano ka jingjia ba sngewsih ha kano kano ka por namar kitei ki post elektrik ki dei kiba don hapdeng lynti shnong.
Kumta naka liang ka shnong kala kyrpad sha ka tnad MeECL ba kadei ban shimkhia mardor ym ban ap haduh ban da mih ki jingjia ba sngewsih, namar ïa kitei ki post la donkam ban shna pynbha lane ban bujli noh da kiwei naka bynta ka jingshngaiñ ki paidbah ha katei ka shnong.
