Shillong, Nailar 09: Ka state BJP ha ka sngi Thohdieng ka la ong ba kan ieh ka jingstad jong ka Ïingbishar ban rai halor ka kam kaba ïadei bad ka krem Mawjymbuiñ.
Ka kam mane blei hapoh ka krem Mawsynram ka dei kaba la don mynta hapoh ka Ïingbishar bad ym lah ban kynthoh tat haduh ba ka Ïingbishar ka la ai ïa ka rai. Kane kadei ka jingkynthoh ba la pynmih da ka BJP Meghalaya ha kaba ïadei bad ka kam mane blei jong ki riewngeit Hindu hapoh ka krem, ong ka party.
U Arnab Das, u nongaiktien ka BJP Meghalaya u la ong, “Ki riewngeit Hindu ki la ju leit ban mane hapoh kane ka krem lah da ki bun bun snem. Hynrei mynta ba ïa kane ka kam la shimti da ka Ïingbishar ngin ap ïa ka rai jong ka. Ngi don ka jingngeit kaba pura hapoh ka jingstad jong ka court bad ka jingbishar kaba mih ngin pdiang beit. Ngi kyrpad ba kan don ka rai kaba ïa biang lang ïa baroh halor kane ka kam.”
