Shillong, Naiwieng 15: U Lat ka jylla, u Brig. (Dr.) B. D. Mishra (Retd.) u la ai khublei ïa baroh ki nongthoh khubor ha ka jylla ha ka National Press Day kaba dei ka 16 tarik u Naiwieng 2022.
Ha ka kyrwoh, u Lat, u la ong ba ki nongthoh khubor ki la trei ïa ka bynta kaba kongsan bha ha kaba pynneh pynsah ïa ka riti synshar paidbah ha ka ri lyngba ka jingai jingtip, ka jingai jinghikai ïa ki paidbah bad dei namar kane ka daw kadei hok ba kin ïoh ïa ka nam kum u Païa uba saw jong ka Jingsynshar paidbah.
Haba khublei kyrpang ïa baroh ki nongthoh khubor ka jylla, u Lat, u la ong ba ka jingdon ki lad pathai khubor ka long ka lad ba ki paidbah kin tip bad ka jingbatai ïa ka longbriew manbriew, nangta ka jingtip halor ki jingtreikam ki ïingdorbar thawaiñ, ki ïingbishar bad kumjuh ruh ka sorkar. “Ka long kaei kaei kaba sngewtynnad ba ki lad pathai khubor ha ka jylla bad ha ka ri ki la nang kiew ha ka jingtreikam ban rah ruh ïa ka rukom im jong ki briew”, la ong u Lat.
Ha ka jingai khublei ïa ki Nongthoh khubor, u Lat, kyntu ïa ki ba kin wanrah ïa ka jingsuk bad ruh na ka bynta ban wanrah ïa ka roi ka par.
