Shillong, Nailur 24: Ka Seng ki Tourist Taxi, ka All Khasi Meghalaya Tourist Taxi, ka la ai da ka jingthih sha u Myntri Rangbah ban ïatreilang bad ka Assam ha kaba ïadei bad ka jingrung jingmih ki Kali ba kit ïa ki Tourist Taxi sha ka Meghalaya.
Ka seng ha ka kyrwoh ba la phah da u Bah Ricaldinus Dohling, President bad u bah Lajiedlang Jana, Secretary, ka la ong ba u Adviser ka Seng u la ïoh ban ïakren bad u Myntri Rangbah ban ai ïa ki katto katne ki jingai jingmut bad kita ki long ban pyntreikam da ka Resiprocal Transport Agreement ryngkat ki katto katne ki kyndon treikam, namar kaba kum kane ka jingiasngewthuh jingmut ka don ruha kiwei ki jylla kum ka Sikkim bad ka West Bengal, nangta ka West Bengal bad ka Bihar.
Nangta ban pyntreikam ïa ka State Carriage Agreement, ka Special Permit, ka Provate Service Vehicle (Sunstantive Agreement). Nangta ban don noh ruh ka Meghalaya Motor Vehicle and Taxation Rules, ban don don ak Information Centre ha ki Airport bad Railway Station ka ban treikam 24 kynta. Ban don ka Tourism and Permit Issuing Authority Check Point ha ki entry Point sha ki Tourust Spot.
