Nongpoh, K’lyngkot 10: Kiba haing hasem jong uwei u samla uba la khlad noh hadien ba la shah sumar ha Supercare Hospital Shillong ki la hap ban ujor noh da ka ejehar sha ki Pulit ka Mawlai Police Station, da kaba kam ba ki lap ïa ka dien mong bad ki jingjngem snem ha ka met ba u la kynnoh ba u la mynsaw na kaba u kyllong ha madan ha NRHU Shillong.
Kane ka jingjia ka la jia ha ka janmiet jong ka 6 tarik u Kyllalyngkot 2026, ha kaba la pyntip sha kiba haïing ba une u samla u la kyllon ha madan ha NEHU Shillong bad la rah noh ïa u sha Supercare Hospital Shillong banïoh ïa ka jingsumar ba la hap ba pynrung ha ICU, hynrei dei ha ka 8 tarik une u samla u la khlad noh na kane ka pyrthei bad ba la wan rah noh ïa u sha la ïing bad dei ha ka por ba pynsum la lap pynban ïa ki dien mong bad ki jingjngem snam kaba la pynsuba sniew noh ïa ka ïing ka sem kaba ki la hap ban ujor da ka ejehar ban phah tohkit ïoh ka don kaei kaei kaba sha lyndet.
Une u samla uba la khlad noh na kaba kynnon ba u la mynsaw na ka jingkyllon ha Madan u dei uba la tip kyrteng kum u Bipul Inghi na ka Shnong Khulia ha Ri Bhoi District bad uba dei ruh uba trei ha skulbah NEHU ha Shillong.
Kiba haing hasem ki la ujor ejehar sha ki Pulit ka Mawlai bad hadien ba la dep ban ujor ejehar la wan rah biang ïa ka met jong u sha Civil Hospital Nongpoh ban pyndep ïa ka Postmortem examination bad hadien ba la pyndep ïa kane ka post-mortem examination mynta ka sngi la rah noh ïa ka met jong u sha la ïing na ka bynta ban leh burom khatduh.
Haba ïa kren bad ki Nongthoh Khubor mynta ka sngi, u Kñi jong une u samla u Bah Tisha Inghi bad ruh u Rangbah Shnong ka Khulia u Bah Komin Ingtih, ki la ong ba kim don kano kano ka jingsubar sniew ïano ïano ruh halor ka jingkhlad noh une u samla hadien ba la shah sumar ha ICU ha Supercare Hospital, hyrnei kaei kaba la pynartatien ne suba sniew ka dei hadien ba la lap ïa ki dien mong bad ki jingjngem snam ha ka met jong u hadien ba la wan rah sha la ïing na ka bynta ban leh burom khatduh.
“Dei hadien ba la lap ïa kaitei ki dak mong bad ki jingjngem snam ka ing ka sem ka la ujor ejehar sha ki Pulit ka Mawlai Police Station bad ruh ba la wan rah biang ïa ka met sha Civil hospital Nongpoh na ka ingsah jong u bad mynta ka sngi la lah ban pyndep ïa ka post-mortem examination da ki Doctor ha kaba kin sa ap pat katkum ka kaiphod jong ka post-mortem” ki la ong.
Ki la ong ruh ba kim don kano kano ka jingsuba sniew ïano ïano khamtam ïa kito ki briew kiba la leit rah ïa u sha Supercare Hospital Shillong ban ïoh ïa ka jingsumar bad kane ka jingujor ejehar ka dei tang namar ba ki don ka jingartatien hadien ba la lap ïa ki dien mong bad ki jingjngem snam ba ki kwah ban tip ïa ka jingshisha la u la khlad na katei ka jingjia ba la kynnoh ba u shu kyllon ne ïoh ka don ei ei sha lyndet, ki la ong.
Shuh shuh, ki la ong ruh ia mynta kim lah ban ong ei ei bad kim don kano kano ka jingkynnoh iano iano ruh halor ka jingkhlad noh jong une u smala bad kin iai ap ïa ka kaipod ka post-mortem bad lada don ei ei ruh ki Pulit kin leh ïa kaba donkam na ka bynta ban pynïoh ïa ka hok jong une u samla uba la khlad na ka jingkynnoh ba u shu kyllon ha madan kaba u la khlad noh hadpeng ka jingsumar ha ICU ha Supercare Hospital Shillong, ki la bynrap.
