SHILLONG, Kyllalyngkot 07: Ka Prithivi Event & Sports ha ryngkat ka jingiasnohkti lang jong ka PFR Football Academy kin pynlong iaka 1st U15 Shillong International Youth Cup ka ban sdang naduh ka 12 Tarik haduh 17 tarik Kyllalyngkot 2026 ka ban long ha Madan Nongkrem.
Ha kane ka lympung la shim tang 16 tylli ki Team kiba kynthup 4 tylli napoh ka jylla, 11 tylli na kiwei2 ki jylla bad kawei ka International Team napoh Nepal.
Ki kynhun kiba napoh ka Jylla kilong ka PFR Football Academy, Little Star Academy, Baichung Bhutia Football School Shillong bad ka Nongkrem SC. Kiwei kiwei de ki kynhun kiba nabar ka jylla ki kynthup na Assam, Manipur, Sikkim, Arunachal Pradesh bad ka kynhun nabar ka ri ka dei ka Katari FC napoh Nepal.
Ia kane ka lympung yn plie pyrda haka 12 Tarik mynta u bnai haka ka Nongkrem SC kan ia khun pyrshah iaka Sagolban Utd kaba na jylla Sikkim haka por 9 baje mynstep.
Na kane ka lympung yn jied ruh ia uwei u Player ba kynsai tam bad un ioh iaka Free Coaching Camp kaba 15 sngi bad ka Club kaba na Spain bad ki Club pat kiba ioh ban rung sha ka Semi Final ha kane ka lympung kin ioh lad ban iashimbynta haka International Tournament ka ban long ha Indonesia ha u bnai Iaiong ha kaba kin lait iaka jing siew iaka bai Team Registration hynrei ka Club kan hap tang iaka bai leit bai wan bad bai sah jong ki khynnah.
