EJHDFA: Ïakhaid ka jingïakhun Super Division, Jop ka R.Synrang Shahkhain SC haka 1st Division

Jowai, Risaw 12: Ki resol jong ki jingïalehkai phutbol “Super Division” bad ka First Division League 2026 bala pynïaid daka East Jaiñtia Hills District Football Association (EJHDFA) kiba la long hynne ka sngi Nyngkong, 12 tarik Risaw ha Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” hapdeng ka kynhun ïalehkai jong ka Diengchynrum SC bad ka Byndihati CSC kila poi sha ka jingïakhaid da mar shikol (1-1). Ïa ka kol naka Diengchynrum SC la thep da u Manful Rupsi haka minit ba 90+3, katba ïa ka kol naka Byndihati CSC la thep da u Thinkwell Bareh haka minit ba 90+4.
Haka jingïakhun jong ka Thomas Nongtdu Memorial Trophy haka kyrdan 1st Division League 2026 ka R.Synrang Shahkhain SC kala jop da 3-0 kol ïaka Bataw YWSC, ïa ki kol naka R.Synrang Shahkhain SC la thep da u Seigoulen Kipgen haka minit ba 33 & 81 bad u Close Suchiang uba la kum thep bakla (Own Goal) haka minit ba 67.
Lyngba kane ka jingjop ka R.Synrang Shahkhain SC ka lah ïoh ban rung sha ka Quarter Final jong ka lympung ïalehkai 1st Division 2026 bad long syndon ka kynhun ba bat Top Team na ka Pool-B da kaba kamai haduh 9 point na ka lai sein ka jingïalehkai.
La pyntip ka jingïakhun haka 14.10.2026 kan long hapdeng ka Ummulong SC pyrshah ïaka Jalapang SC haka por 2 baje noh phai sngi.