Jop ka Mukhla A bad ka Khliehtyrshi ha ka sngi sdang ka 1st Wailadmiki Shylla Young Festival FT-2026

Jowai, Kyllalyngkot 07: Ka jingïalehkai Football kaba la tip kum ka 1st – Wailadmiki Shylla Young Festival Football Tournament-2026, kaba la pynlong ha Madan Thad Mukhla, West Jaintia Hills District kala sdang naduh mynta ka sngi 7 tarik Kyllalyngkot, 2026. Ha kane ka lympung ïalehkai football la don haduh 30 tylli ki kynhun bapher bapher kiba la wan ban ïashim bynta. Ka jingïalehkai ha kane ka lympung ka long da ka Knock-Out.
Mynta ka sngi la don ar tylli ki jingïakhun, ha ka jingïakhun kaba nyngkong (First game), ka jingïakhun ka la long hapdeng ka Mukhla-A pyrshah ïa ka Plongingkhaw ha kaba ka Mukhla-A kala pynliem ïa ka Plongingkhaw da 1-0 kol, ïa katei ka shi kol jong ka Mukhla-A la thep da u Felixson Bang ha ka minit kaba 45.
Katba ha ka jingïakhun kaba ar (2nd game) pat ka Khliehtyrshi ka la lah ban pynliem ïa ka Panaliar da 2-0 kol, ïa kitei ki ar tylli kol jong ka Khliehtyrshi la ïoh ban thep da u Lam Dkhar ha ka minit kaba 12 bad ïa ka goal kaba ar la thep da u Khrawkupar Kharsyntiew ha ka minit kaba 13 jong ka jingialehkai.