SHILLONG, Kyllalyngkot 07: Ki resol jong ki jingïalehkai ki lympung Cricket League ha ki Division bapher bapher jong ka Shillong Cricket Association kiba la long hynne ka sngi Balang.
Ha ka Shillong Cricket Association Cricket League 2nd Division 2026 ka jingïalehkai hapdeng ka Lagan 2.0 bad ka Jersey Kings ka la poi sha kaba kut ha kaba ka Lagan 2.0 ka la jop da 18 ron.
Ka Lagan 2.0 ka la kamai 212/5 haki 20 ober, ha kaba u Rohit KR Rai u la kamai 70 ron naki 30 bol, katba u Subhash Kumar Rai u la kamai 57 ron naki 33 bol.
Haba pyrshang beh ka Jersey Kings ka la shah pynkut noh da tang 194/5 haki 20 ober kaba la pynlong ïa ka kynhun ban shah rem da 18 ron. ïa ka khusnam Player of the Match la khur da u Rohit KR Rai.
Ha ka Cricket League 3rd Division ka YouthStar CC ka la jop da 82 ron ïa ka Akademia Langsning.
Haba tied nyngkong ka YouthStar CC ka la buh ïa ka thong kaba 200/4 haki 20 ober ha kaba u Mrinmoy Das u la noh synñiang haduh 84 ron naki 49 bol, katba u Ayush Sharma u la kamai 48 ron naki 34 bol.
Nangta ki nongkawang bol ka YouthStar CC ki la pyndep ïa ka kamram da kaba pynkhyllem baroh 10 ngut ki ngut ki nongtied ka Akademia Langsning tang na ka bynta 118 ron haki 17.4 ober.
Ki nongkawang bol jong ka YouthStar CC kiba la pawkhmat ki long u Sagar Sharma (4/10 naki 4 ovber) bad u Aditya Chaudhary (2/18 naki 4 ober), hynrei ïa ka khusnam Player of the Match la khur da u Mrinmoy Das.
Ha ka Cricket league 1st Division la ïohi ïa ka WINDS kaba la jop da 28 ron ïa ka Lawsohtun.
Ka WINDS ka la lah ban kamai 175 ron shuwa ban khyllem baroh 10 ngut haki 38.4 ober. Kiba la lamkhmat ha ka tied ki long u Keny waan (56 ron naki 86 bol) bad u Aditya Mahala (31 ron naki 47 bol).
Haba pyrshang beh ïa ka thong ka Lawsohtun ka la shah pynkut noh da tang 147/10 haki 32.2 kaba la pynlong ïa ka kynhun ban shah rem da 28 ron.
ïa ka khusnam Player of the Match la khur da u Kenny Waan uba la tyngshaiñ ha ka boling da kaba khur 5 wiket naki 8 ober bad kamai ruh 50 ron ha ka tied.
