SCA Cricket League First Division 2025: Pynliem ka Khalsa Warriors da 77 ron ïa ka Metallica CC

SHILLONG, Kyllalyngkot 02: Ka Khalsa Warriors ka la pynliem suk da 77 ron ïa ka Metallica CC ha kawei na ki jingïalehkai jong ka lympung Shillong Cricket League 1st Division 2025 ba la pynïaid da ka Shillong Cricket Association kiba la long hynne ka sngi Thohdieng.
Haba phai sha ka jingïalehkai, ka Khalsa Warriors ka la jop ïa ka jingkynting pisa (toss) bad ka la kam trai ban tied nyngkong. Ka la lah ban kamai 204 ron naki 40 ober bad u Jitu Gogoi (41 ron naki 51 bol) bad u Rahul Singh (26 ron naki 38 bol) ki long ki nongtied kiba seisoh tam jong ka Khalsa Warriors.
Napdeng ki rangkawang bol ka Metallica u Imran Ali u la khur 3/39 naki 8 ober bad u Pargat Singh u la khur 2/30 naki 8 ober.
Haba jubab ka Metallica ka la kamai tang 127/10 haki 28.2 ober kaba la pynlong ïa ka Khalsa Warriors ban pynthikna ïa ka jingjop da 77 ron.
U Suraj Singh (3/17 naki 5 ober) uba la khur syndon ïa ka nam Player of the match bad u Sanju Nahar (3/19 naki 5 ober) kidei kiba la tyngshaiñ tam ha ka boling na ka bynta ka Khalsa Warriors.