Mairang, Naitung, 7: Hadien ba la ïoh jingujor halor ka jingpyndonkam bad jingpynjaboh da ki niut bad tiar plastik ha ki ophis, ki jaka pule bad ki jaka jngoh kai pyrthei, u District Magistrate ka Eastern West Khasi Hills District, lyngba ka hukum ba la pynmih hapoh ka Section ba 144 jong ka CrPC, u la mana bad pakhang ïa ka jingpynjaboh da ki plastik ne kino kino ki tiar ba la shna na ki plastik ha baroh ki ophis, ki skul, college bad ki jaka jngohkai pyrthei kiba don hapoh ka distrik.
La pynmih ïa katei ka hukum na ka bynta ban ïada ïa ka jingpynjulor ïa ka mariang bad kum shibynta ban bud ïa ki kyndon jong ka Waste Management Act bad Plastic Waste (Amendment) Rules, 2021. Kino kino kiba shah ktah ha katei ka hukum, ki lah ban leit mih sha ki bor ba dei khmih, bynrap shuh shuh ka hukum u District Magistrate.
Kane ka jingkhang pyndonkam plastik ka long ruh ha baroh kawei ka jylla.
