Nongpoh Nongpoh 17: Ka District Child Protection Unit ka Ri Bhoi ka la pyntip paidbah ba ha ka 14 tarik u Jymmang 2025 ka la dep ban aiti sha ka Child Weflfare Committee ïa iwei I khyllung shynrang ba dang 9 bnai bad kynthup ïa ki hymmen ba dang 11 snem bad 14 snem ba la shu iehnoh khlem da don ba wan kam bad mynta ki don hapoh ka jingpeit jingkhmih ne ka jingsumar ka sorkar ha Children’s Home Boys, Nongkhrah, Ri Bhoi District.
Lyngba kane ka kyrwoh la pyntip sha ki kmie ki kpa ne kiba haïing ha sem ba ki dei ban wan kam ne pyntip sha katei ka ophis treikam hapoh ka 60 sngi, kata ban pyntp sha ka ophis ka
District Child Protection Unit bad ka Child Welfare Committee, Sajer, Ri Bhoi District, Nongpoh da kaba phone ha kine ki number – 9856131925 / 7005607547, Specialised Adoption Agency, Saiden, Ri Bhoi District, Nongpoh – 8837220823 bad lada ki ba haïing hasem kim wan ban pyntip ne wan kam ïa kitei ki khyllung ki sa pynbna noh ne ban aiti ban sumar ïa kino kino kiba kwah ban ri ban sumar kiba dei katkum ka lynti ka aiñ.
