La pynkut ïa ka Mine Safty Week ki karkhana dewbilat kiba don ha thaiñ shatei lam mihngi
Khliehriat, Nohprah 16 : Kum ba ju long man la u snem,, baroh ki karkhana kiba don ha ka thaiñ shtei lam mihngi ki ju pynlong ïa ka taïew Mine Safty Week bad mynta u snem ïa kane ka prokram la pynlong ha company Star Cement Lumshnong East Jaiñtia Hills District ha kaba Ka North East Metalliferous Mines kaba hap hapoh ka jingpeit jong ka Directorate General of Mine Safety, Guwahati Region hynnin ka sngi ka 15 tarik Nohprah kala pynkut noh ïa ka 22nd North East Metalliferous Mines Safety Week 2025 bad kane ka prokram ka don ïa ka phang pdeng ‘Effective SMP and SOPs to achieve Zero harm’, kaba thew ïa ka jingshngaiñ ki nongtrei par ban lait na ki jingma jingmynsaw.
Hapoh kine ki sngi ba rakhe ïa kane ka prokram Mine Safty Week, ki heh na ki company ki la pynlong ruh ïa ka jingleit jurip ïa ki par mawshun jong ki company bapher bapher bad ha katei ka sngi ba pynkut ïa kane ka prokram la sam ïa ki khusam bad ki prize sha kito ki company kiba la lah ban leh bha ïa ki kam ha ki par kaba long ka jingshngaiñ ïa ki nongtrei kaba khlem wanrah kano kano ka jingma bad jingmynsaw ïa kiba trei par.
Ha ka thup jong kito ki par mawshun kiba pynmih palat ïa ka 5 lak ton u mawshun ha ka shi snem ka company Star Cement Lumshnong ka la ioh rah ïa ka nam lah duh lane ka Overall Mine Safty , ka company M/s Lafarge Umiam Pvt Ltd ka la ioh ba ar bad ka company Dalmia Cement Bharat Ltd ka la long ba lai. Ha ka thup jong kito ki par mawshun kiba pynmih duna ïa ka 5 lak ton u mawshun ha ka shi snem pat ka company Goldstone Cement Ltd ka la ioh ba nyngkong, ka company M/s Cement Corporation of India, ka la ioh ba ar bad ka Amrit Cement Limited ka la ioh ba lai.
Ha katei ka sngi la sam khusnam ruh sha baroh ki company ba dei ki trai par mawshun kumjuh ki nongtrei kiba la iashim bynta ha ki jingiakop bapher bapher jong ka Trade Test bad kiwei kiwei ki jait jingiakop.
Ha katei ka prokram la ïa wan ïa shim bynta na ki 22 tylli ki karkhana pynmih dew bilat kiba don haka Jylla Meghalaya bad Assam.
Ha katei ka prokram ha Star Cement, u Supriyo Chakraborty, uba dei u Deputy Director General of Mines Safety, DGMS Eastern Zone, u la long kum u kongsan bad u Pankaj Kejriwal, uba dei u Executive Director of M/s Star Cement Limited kum u Symbud kongsan la ïa don ryngkat lang ruh u Director of Mines Safety, Eastern Zone, u Vinodanand Kalundia, Director of Mines Safety, Guwahati Region, B. Dayasagar, u Director of Mines Safety (Mechanical) Eastern Zone, Ajaykumar Ramnaresh Yadav, Director of Mines Safety (Electrical) Eastern Zone, A. Venkata Subbarao, Dy. Director of Mines Safety, Guwahati Region, B. Venkanna, Dy. Director of Mines Safety (Mechanical), Eastern Zone, G.V Rangarao, u Dy. Director of Mines Safety (Electrical), Eastern Zone, u Keshav Singh Meena, Dy. Director of Mines Safety (Electrical), Eastern Zone, Tapas Kumar Behera, Dy. Director of Mines Safety, Guwahati Region, Abhimanyu Singh Ogra lem bad kiwei kiwei ki heh kba dei na ki cement plant bapher bapher.