Khliehriat, Risaw 29: Shibynta kum ka jingpynkup bor ïa ka kynhun Self Help Groups (SHGs) ha kaba iadei bad kaba kyntiew ïa ka ioh ka kot bad ban thaw ki lad ban kaiam pisa lyngba ka National Rural Livelihood Mission (NRLM), ki kynhun Self Help Groups (SHGs) bad ki Cluster Level Federations (CLFs) kiba hap hapoh ka Lumshnong C&RC Blocks hynnin ka sngi ki la ioh pdiang ïa ki cheques bad pisa kaba dei ka mang tyngka kaba hap hapoh ka prokram Lakhpati Didi Initiative and Livelihood Promotion, ïa kane ka prokram la pynlong ha Sutnga Community Hall, East Jaiñtia Hills District.
Ha kane ka sngi ba sam ïa ki cheque haba khieñ lang ïa ka pisa ka la poi haduh T46,49,527 ( Sawphew hynriew lak sawphew khyndai hajar ar phew hynñiew tyngka) kane ka pisa ka dei kaba hap hapoh ka Community Funds bad la sam sha kito kiba ioh jingmyntoi kiba dei ki kynhun SHG bad sha ki kynhun CLF pat ka pisa kaba la sam ka poi haduh T.16,00,000 (khathynriew lak tyngka) bad la bynrap shuh shuh ïa ka pisa kum ka jingiarap T 29,62,027 lyngba ka District Mineral Foundation (DMF), East Jaiñtia Hills District, T. 29,62,027 , kumjuh ruh ka Viability Gap Fund (VGF) kaba hapoh ka Lakhpati Didi Initiative,T. 12,500 bad kum ka bai seng kam kaba dei ka Startup Funds, T 75,000 kaba dei ka Revolving Fund (RF) kane ruh ka dei kaba hapoh ka Lakhpati Didi Initiative, ha kajuh ka por ka pisa kaba kot haduh T 70, 50, 000 (hynniewphew lak tyngka) la mang kum ka ram na ki bank bad la sam sha ki 28 tylli ki kynhun Self Help Group (SHGs) kiba hap hapoh ka Wapung Block bad Saipung Block.
Ïa katei ka prokram la pynlong da ka District Mission Management Unit (DDMU), East Jaiñtia Hills District bad la ïa don ryngkat lang ruh ka MLA jong ka Sutnga-Saipung ka kong Santa Mary Shylla, u Deputy Commissioner, East Jaiñtia Hills District, u Shivansh Awasthi, IAS, u District Mission Manager (DMM), Meghalaya State Rural Livelihood Society (MSRLS), East Jaiñtia Hills District, u bah Kevin Slong, u Waheh Shnong, Sutnga, u bah K. Pala, ki briew kiba la wan mihkhmat na ka Bank, ki dkhot jong ki SHG, VO&CLF bad ki paidbah na ka thaiñ.
Haba kren ha ka jingialang ka kong Santa Mary Shylla, ka la kren halor ka jingdonkam ki kynhun SHG ha kaba kyntiew ïa ka Socio-Economic kaba na ka bynta ki kynthei ha East Jaiñtia Hills District ha kaba ki la don haduh 2929 tylli ki kynhun Self Help Groups (SHGs) bad 17 tylli ki Cluster Level Federations (CLFs), ka la kyntu bad pynshlur ia ki kynhun SHG bad CLF kiba la ita don lang ha ka prokram ba kin nang ïai treishitom shuh shuh bad ruh ban shim khia ïa ki kam khnang ban kyntiew shuh shuh ïa ka ioh ka kot kumba la pynkup da ka NRLM.
Ka kong Santa Mary Shylla ka la ai ruh ka jingkhublei kitbok kitrwiang ïa baroh ki kynhun SHGs bad ki kynhun CLFs kiba la ioh pdiang ïa ki cheque bad ka la pynsngew ruh ïa ka jingdon ka SHG Sale Outlet kaba dang pyntrei mynta hapoh ka phyllaw jong ka ophis u Deputy Commissioner ha Khliehriat ha kaba kane ka Outlet kan long kum ka rynsan ban pynpaw pyrthei ïa ki tiat ki tar kiba pynmih lyngba ka jingtrei jong ki dkhot SHG kiba napoh ka district, kum ki jams, ki um soh bad kiwei kiwei ki jait tiar.
Ka MLA ka la khot la wer bad pynshlur ïa kiwei kiwei ki kynthei ruh ki bym pat long ki dkhot jong ki SHG ba kin iasoh lang nog bad ki SHG khnang ban lah ban kyntiew shuh shuh ia ka ioh ka kot bad ka khaïi ka pateng hapoh ka district.
U Deputy Commissioner, East Jaiñtia Hills District, u Shivansh Awasthi, IAS u la ong ba kum ka jingithuh ïa ki kam ba trei da ki kynhun SHGs bad CLFs bad ruh kum ka jingpyrshang ban rat dyngkhoh ïa ka jingduk khamtam ha ki shnong kyndong ki bor synshar district jong ka East Jaiñtia Hills District, lyngba ka DMF ka la nohsyniang ruh mar T 2 lak tyngka sha ki 8 tylli ki kynhun CLFs kito kiba shah ktah ha kaba khlong ïa u marpoh khyndew kum ka jingiarap ba kin ioh ban shna ia ki ophis treikam jong ki.
U Awasthi u la ai ka jingïaroh bad ai jingkhuei ia ki kynhun SHG kiba la Pynteikam ia ki program sorkar ym tang kito kiba dei jong ka National Rural Livelihood Mission (NRLM) hynrei ki prokram kiba dei bad kiwei kiwei ki bynta ruh kum. Kaba trei ha ka punduna ïa ka jingiap ki khylung ba dang kha lane ka
Mortality Rate (MMR), ka prokram ha kaba iadei bad ka jingpynrung kyrteng Aadhaar bad kiwei kiwei ki promram bapher bapher.
Kiwei pat kiba la ai jingkren ki kynthup ruh u District Mission Manager (DMM), MSRLS, u bah Kevin Slong, u Waheh Shnong, Sutnga u bah K. Pala bad ka President Hynñiew Shnong CLF (Saipung Block), ka kong T. Bamon.
Ha kane ka sngi hi ka kong Santa Mary Shylla, u Deputy Commissioner, East Jaiñtia Hills District, u BDO, Saipung Block, u Dr. R. Pyrtuh, u District Mission Manager (DMM), Meghalaya State Rural Livelihood Society (MSRLS), East Jaiñtia Hills District, u bah Kevin Slong, lem bad ki nongkitkam shnong ki la leit ruh ban plie ïa ka Pig Hostel kaba don ha shnong Lamyrsiang kaba la shna lyngba ka DMF, East Jaiñtia Hills District ha ryngkat ka jingiatreilang bad ka DDMU, MSRLS, East Jaiñtia Hills District lem bad ka ophis jong u Block Development Officer, Saipung Block kaba la pyntrei da ka VO Lamyrsiang.
