Jowai, Risaw 21: Ka lympung ïalehkai phutbol jong ki kynthei kaba la tip kum ka “1st Women League Football Tournament 2025 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 21 tarik u Risaw ha madan Kiang Nangbah Stadium Dongmihsngi Jowai.
Ha ka jingïakhun jong ka 1st Women League ka 7-Wasa United kala pynliem da 3-1 kol ïaka Ladthadlaboh, ïa ki kol na ka 7-Wasa United la thep da ka Wishymery Phawa haka minit ba 38, ka Banricatharina Toi haka minit ba 55 bad kaElegancy Susngi haka minit ba 60+3. Ïa ka shikol na ka Ladthadlaboh la thep da ka Daphimon Khyriem haka minit ba 9.
Haba phai pat sha ka jingïakhun jong ka kyrdan 13th Chatister Kharkongor Memorial Trophy 1st Division Football Tournament-2025 kaba la long mynta hi ka sngi, ka Nangbah Iawmusiang kala pynliem da 4-0 kol ïaka Lumiawmuchai Shangpung, ïa kitei ki kol na ka Nangbah Iawmusiang la thep da u Banteilang Nongruk haka minit ba 19, u Pynshngain Hinge haka minit ba 66 & 89 bad u Molify Sna haka minit ba 90+1.
