Ka jingai sngewbha u Modi ha ka por lehkmen ka la wanrah ïa ka jingdie kaba heh tam ha ka Navratri

New Delhi, Risaw 18: Ha kane ka aïom lehkmen, ka India ka la ïoh ïa ka jingai sngewbha Diwali kaba kloi, ym kaba la sop ha ka kot, hynrei ha ka polisi. Ka jingpynhiar ïa ki dor GST hapoh u Myntri Rangbah duh Modi kaba dang shen ka la pynlong ïa ka jingkiew jong ka jingthied jingpet ha ka ri baroh kawei, kaba la pynkylla ïa ka Navratri sha kawei na ki jingpyndonkam kaba heh tam ha ki snem. Ka jingpynhiar khajna ïa ki mar ba kongsan bad ki mar bam ka la ïarap ki longïing, ka la pynkhlaiñ ïa ki ïew ki hat, bad ka la pynkhreh na ka bynta kaba lah ban long ka Diwali kaba jop tam jong ka India haduh mynta.
Ka jingkiew dor ka la hiar sha kaba duna tam ha ki phra snem, ka CPI tang 1.54%, katba ka jingkiew dor jong ki marbam ka la long (-2.3%), kaba ailad ïa ki longïing ïa ka jinglaitluid ha ka liang ka pisa tyngka ban lehkmen. Katba ki dor GST ki nang hiar, ki dor ki nang hiar, bad ka bor thied jingthied ka kiew. Kaba bud ka long ka jingrakhe ha ka liang ka ïoh ka kot kaba pynpaw ïa ka mynsiem lehkmen jong ka ri.
Ka Tamasa jong ka jingpyndonkam bad ka jingskhem
Ka por jong ka jingpynhiar ïa ka GST thik shwa ka aïom lehkmen bad ka aïom kyntiew kurim, ka pyni ba ka long kaba paka. Ka jingsngew jong ki nongthied ka la kiew bha, bad ki jingmih ki paw ha man la ki kam.
Ka jingkamai ha ka aïom lehkmen bad ka aïom kyntiew kurim la antad ba kan palat ïa ka T. 7 lak klur, kaba pyni ïa ka jingpynlut kaba heh tam jong ka India ha kine ki snem.
Ki jingsiew digital ki la kiew shiphew shah ha ka shi miet,na ka T.1.18 lak klur ha ka 21 tarik u Nailur sha ka T.11.31 lak klur ha ka 22 tarik u Nailur, namar ba ki nongthied ki shim kabu ïa ka jingtyngkai pisa ha ka GST.
Ha ki nongbah kum ka Delhi, ka jingdie ha ki por lehkmen la antad ba kan long T. 75,000 klur, katba ka jingdawa jaiñ cotton jong ka Ahmedabad ka kiew haduh 10% hadien ba la pynduna ïa ka GST ïa ki jaiñ kiba hapoh T. 2,500.
Ki rai jong ka sorkar ha ka liang ka ïoh ka kot kim shym la pynduna tang ïa ki jinglut, ki la pynkhie im biang ïa ka ïoh ka kot ha ka por lehkmen, ki la kyntiew ïa ki jingpynpoi mar ha ka thaiñ, bad ki la pynkupbor ïa ki tiar ba la shna ha India ban pawnam biang ha ki ïew ki hat.
Ka Kam kali ka lamkhmat ha ka aïom lehkmen jong ka India.
Ka karkhana shna kali jong ka India ka la sakhi ïa ka jingdie mar kaba bun tam ha ka Navratri ha kine ki shiphew snem.
Ka Maruti Suzuki ka la kiew ar shah ka jingdie jong ka na u snem ba la dep, da kaba pynpoi 1.65 lak tylli ki kali tang ha ki phra sngi, kynthup ïa ka rekod kaba 30,000 tylli ki kali tang ha ka Ashtami, kaba dei ka jingkheiñ kaba heh tam ha ka shisngi ha ki 35 snem.
Ka Mahindra & Mahindra ka la sakhi ka jingkiew kaba 60% ha ka jingdie ïa ki kali SUV, kaba la ïalam da ka XUV700 bad ka Scorpio N.
Ka Tata Motors ka la die palat 50,000 tylli ki kali, katba ki SUV jong ka Hyundai (Creta bad Venue) mynta ki long 72% na ka jingdie baroh jong ka.
Ki kali arshaka kum ka Hero Moto Corp bad ka Bajaj Auto ki la pynpaw ba ki briew kiba leit sha ki jaka pyni kali ki long ar shah haba ïanujor bad u snem ba la dep.
Katkum ka FADA, ka karkhana shna kali ka la don ka jingkiew kaba 34% na ka snem sha ka snem ha ka jingdie Navratri, kaba dei ka jingkiew kaba heh tam jong ka. La ïaroh ïa kane ka jingkiew ha ka por lehkmen kum ka jingmih na ka jingpynkylla ïa ka GST bad ka jingkyrmen jong ki nongthied nongpet.
Sakhi ka jingkiew ka jingthied ïa ki mar elektrik
Ka mynsiem lehkmen ka la pynkhih ruh ïa ka ïew jong ki tiar elektrik. Naduh ba la pynduna ïa ka GST ha ka 22 tarik u Nailur, ka jingdie ïa ki telebishon, ki fridge, bad ki mashin saitjaiñ ka la kiew bha.
Ka jingdie mar da ki nongthied baroh ka la kiew da 40-45%, la lamkhmat da ki jait mar ba rem dor. Ka Haier ka la kiew haduh 85%, ka la jan die lut ïa ki TV jong ka ha ka Diwali kiba 85 inshi bad 100 inshi kiba shong dor palat T.2.5 lak.
Ka jingdie jong ka Reliance ka la sakhi ïa ka jingdie kaba heh tam da 20-25% ban ïa ka snem ba la dep, kaba la kiew na ki TV bad ki phone ba heh.
Ka Vijay Sales, ka LG, bad ka Godrej Appliances ki la pynpaw ïa ka jingkiew kaba khlaiñ kaba ar dak.
Naduh ka Onam haduh ka Navratri, ka jingdie jingthied jong ka India ha ka por lehkmen ba la pynïasohlang mynta ka long 40-45% na ka jingpyndonkam mar ka ri ha ka shi snem, bad kane ka nang kiew katba nang jan ka Dhanteras bad Diwali.
Ki rynsan E-Commerce ki la sakhi ki jingkiew kiba heh tam ha ka histori
Ki rynsan e-commerce jong ka India ki la paw kum ki nongïoh jingmyntoi kiba khraw tam na ka jingpynhiar ïa ka GST ha ka por lehkmen, namar da ki million ki la phai sha ki ïew online ban thied ïa kiei kiei baroh naduh ki tiar haduh ka ksiar.
Ka Amazon India ka la don palat 276 klur ngut ki nongthied ha kane ka aiom lehkmen 70% na ki nongbah tier 2 bad 3, ha kaba ki nongthied ki thied ïa ki smartphone, ki smart TV, ki saree, ki jingpynitynnad ha ka por lehkmen, ki jingtah pynbha briew, bad ki tiar ba donkam man ka sngi.
Ka jinglong dkhot ba kongsan ka la nang ïar palat ïa ki metro, ha kaba 70% na ki dkhot thymmai ki dei na ki nongbah kiba kham rit.
Ka jingpynpoi mar jong ka Amazon ha kajuh ka sngi bad ha ka sngi kaba bud ha ki nongbah metro ka la kiew da 29% na ka snem sha ka snem, katba ka jingpynpoi mar ha ki ar sngi ha ki nongbah tier 2 bad 3 ka la kiew da 37%, kaba pyni ïa ka rynsan e-commerce kaba kham jylliew ha ki jaka nongkyndong bad ha ki sorbah.
Ka Meesho ka la sakhi ruh ïa ka rekod, ha kaba la ïoh ïa ka jingpeit mar ki nongthied kiba haduh 206 klur ngut bad 117 million kynta ka jingthied jingpet tang ha ka taïew Dussehra.
Kane ka jingkiew ka pyni kumno ka jingdon jingem jong ka digital India, ka UPI, ki kam logistics, bad ka jingshai jong ka GST-ka la ïarap ïa ka jingpyndonkam shisha jong ka ri, kaba kynthup ïa ki metro haduh ki mandi.
Ka jingkyrmen jong ka ïew ka pyni ïa ka jinglong jingman jong ka jinglehkmen
Ka jingsngew jong ka ïew ka hat jong ka India ka ïadei bad ka jingshongshit jong ki nongthied nongpet. Ka Nifty 50 ka la poi sha ka jingkiew kaba heh tam ha ki 52 taïew kaba long 25,709, da kaba kiew 2.2% ha ki lai tylli ki bynta, ba la kyrshan da ka jingwan rung jong ki briew nabar ri, ka tyngka kaba kham skhem, bad ka jingdawa ha ka por lehkmen. Naduh ki dukan ki rana ba marjan haduh ki jaka pyni kali ba rem dor, man la ka kyndong kynshrot jong ka ïoh ka kot jong ka ri India ka tyngshaiñ da ka jingshaniah kaba thymmai.
Ka jingai sngewbha ïa ka Policy kaba kyntiew ïa ki ïew jong ka ri India
Ka sorkar jong u Myntri Rangbahduh Modi kam shym la pynhiar tang ïa ki dor GST, hynrei ka la pynkiew ïa ka mynsiem jong ki nongthied nongpet. Da kaba buh por ban pynhiar dor shwa ka por ba bun tam ka jingthied mar, ka sorkar ka la pynthikna ba man la ka longïing jong ki nong India kan lah ban rakhe ïa kane ka aïom da kaba lah ban tyngkai pisa kham bun, kham bun ki jingjied, bad kham sngew sarong ïa ki mar ba la shna da ki nong India.
Ha kane ka aïom lehkmen, ka khubor ka long kaba shai: Ka khana jong ka jingkiew ka India ka kham shai ban ïa ki diya Diwali. Naduh ka kam shna kali haduh ka e-commerce, naduh ki nongtrei kti na la ka jong ka ri haduh ki nongseng kam seng jam digital, ka ri ka rakhe ym tang ïa ki tamasa, hynrei ïa ka jingkhlaiñ jong ka ïoh ka kot jong ka bad ka jingstad jong ka jingpynkylla ha ka por kaba biang.