Shillong, Risaw 12: Ka kynhun ïalehkai jong ka Meghalaya Police ka la pynliem noh ïa ka Mawtawar SC da 3-0 kol ha ka jingïakhun jong ka lympung phutbol First Division Football League 2025 ba la pynïaid da ka Shillong Sports Association (SSA), ba la long ha ka sngi Saitjaiñ (11 tarik Risaw) ha madan First Ground-SSA Stadium, Polo.
Ki kol jong ka MLP la thep da u Pynshailang Lyngkhoi (36′, 75′) bad u Everestarly Rynjah.
Ka MLP ka la ïoh ban lamkhmat shuwa da shi kol ha ka kylla step lyngba u Pynshailang, nangta u la pynbud ïa kaba ar ha ka minit kaba 75 shuwa ba u Everestarly un pynthikna ïa ka jingjop da kaba bynrap ïa ka kol kaba lai ha ka minit kaba 89.
Na ka bynta ka MLP, kane ka dei ka jingjop kaba lai sien lynter mynta ka samoi bad ka la ïoh ban kamai 9 poiñ.
Ka jingïalehkai jong ka SSA First Division FL 2025 ha kane ka sngi nyngkong kan sdang ha ka por 1 baje shiteng nohphai sngi, ha kaba ka Nongrah SC kan aireng pyrshah ïa ka Mawkhar SC.
