Jowai, Risaw 05: Ka resol jong ka jingïalehkai phutbol kaba la tip da ka ‘13th Chatister Kharkongor Memorial Trophy’ ha ka kyrdan First Division Football Tournament-2025 bala pynïaid daka West Jaiñtia District Sports Association (WJDSA), kaba la long ha ka sngi Saitjaiñ, 04 tarik Risaw, ha madan Kiang Nangbah Stadium Dongmihsngi, Jowai.
Haba phai sha ka jingïakhun ka Dulong SC kala lah ban pynliem noh da 3-0 kol ïa ka Mynthong SC. U Sahame Lyngdoh u la noh synñiang borbah na ka bynta ka Dulong SC da kaba pynkhihjar ar sien haka minit ba 68 & 90+2, nangta ïa kawei pat ka kol la thep da u Gideon Mukhim haka minit ba 89.
La pyntip ba ka jingïakhun haka 08 tarik u Risaw, 2025 (Sngi Balang) kan long hapdeng ka Khliehïongriang SC pyrshah ïaka Nangbah Iawmusiang SC, ka ban sdang haka por 2 baje nohphai sngi.
