Jop ka United Phyllong & Maia Club Umjlasiaw ha ka 2nd Division, ka Wahiajer ha Super Division ka TSA

Jowai, Nailar 26 : Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 26 tarik ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League ka United Phyllong Iingkhaw kala pynliem da 4-0 kol ïaka Mukhla Nongrim, ïa kitei ki kol na ka United Phyllong Iingkhaw la thep da u Philemon Suting haka minit ba 8, 12 & 20 bad u Lamjop Muruh ha ka minit ba 69.
Haka jingïakhun kaba ar ka Maia Club Umjlasiaw kala pynliem da 3-0 kol ïaka Mukhla Sohshrieh, ïa ki kol na ka Maia Club Umjlasiaw la thep da u Lemiki Dkhar haka minit ba 24 & 28 bad u Saibok Tariang haka minit ba 34.
Haba phai pat sha ka jingïakhun jong ka Kesilroy Pala Memorial Super Division ka Wahiajer kala pynliem da 5-0 kol ïa ka Niriang, ïa kitei ki kol na ka Wahiajer la thep da u Ebormi Mukhim haka minit ba 26, u Niki Pakma haka minit ba 42 & 59, u George Ryngkhlem ha ka minit ba 70 bad u Sanki Lakiang haka minit ba 80.
La pyntip ba ka jingïakhun lashai ka sngi 26/08/2025 haka kyrdan ‘Joybell Suiam Memorial 2nd Division Football League haka por 10 baje ka Iawpynsin pyrshah ïaka Mukhla Wahshnong. Ha ka por 12 baje mynsngi ka Namdong-A pyrshah ïa ka Iongshiwiat.
Katba ha ka kyrdan jong ka Kesilroy Pala Memorial Super Division haka por 3 baje nohphai sngi ka Mookyndur pyrshah ïaka Nongkhroh Krem Kum.