Pynlong ka HYDC ïa ka jingïalehkai sports ba kyrpang ha shnong Nongdaju ban kyntiew ïa ka kam ïalehkai

SHALLANG, Nailar 17: Ka Hynniewtrep Youth Development Council (HYDC) ka la ïoh ban pynlong ïa ka jingïalehkai sports ha shnong Nongdaju ka ba don ha thain Shallang West Khasi Hills.
ïa kane ka jingïa lehkai sports la wan plie da ki Ophisar na ka tnat pulit.
Kane ka jingpynlong ïa ki jingïalehkai sports jong ka seng HYDC ka dei shi bynta ban kyntiew ïa ka kam sports, ha ki shnong kyndong Jong ka bri u Hynniewtrep kumjuh ruh ban kyntiew ïa ka sap ka phong ha ka ba ïadei bad ki rukom ïalehkai.
Ha ka jingshisha kane ka jingïalehkai ka la dei ban pynlong hapoh shnong jong ka Sohryngkham East Khasi Hills district hynrei na ki daw ki bym la kiar la rah noh ïa ka sha poh shnong Nongdaju Jong ka West Khasi Hills District.
Ka jingïalehkai ha ka tei ka sngi ka dei kaba itynnad bha, ha ka ba ki nong ïa shim bynta ki la ïa wan na ki shnong ba marjan ki bapher bapher.
Ki kynhun kiba la wan ïashim bynta ha ki jingïalehkai ha ka tei ka sngi ki don haduh 19 Tylli.
Ha kane ka sngi la sakhi ïa ka jingïakhun final jong ka jingïalehkai football kaba la long hapdeng ka Shallang FC pyrshah ïa ka Nongrongdu FC.
ïa ka nam lahduh ha kane ka jingïakhun final la rah da ka Nongrongdu FC.
U top scorer ha katei ka jingïaleh kai la khur da u Thomas Sohbar katba ïa ka nam rangap kol ba kynsai lane Best goalkeeper la khur da u Lasbon Shynsiang best player Roster Rashir